Eitt af hverjum átta dauðsföllum í Evrópu má rekja til mengunar, samkvæmt niðurstöðum nýrrar skýrslu frá EEA, Umhverfisstofnun Evrópusambandsins.

Þættir á borð við loft- og hávaðamengun, ásamt menguðu vatni og eiturefnum, áttu þátt í þrettán prósentum allra dauðsfalla, að því er BBC greindi frá.  

Í skýrslunni kemur fram að fátækari samfélög og fólk í viðkvæmri stöðu lenda verst í menguninni.

„Það þarf að grípa til harðra aðgerða til að vernda þá sem eru viðkvæmastir,“ sagði stofnunin.

„Það eru greinileg tengsl á milli ástandsins í umhverfinu og heilsu fólks,“ sagði Virginijus Sinkevicius, forstjóri EEA.

Fram kemur í skýrslunni að 630 þúsund dauðsföll í ríkjum ESB mátti rekja til umhverfisþátta árið 2012, en ekki er tilbúin tölfræði fyrir árin sem koma þar á eftir.

Tengdar fréttir

Umhverfisvitund

Hafnfirðingar uggandi yfir Sódastöðinni

• „Þetta þarf ekki að vera leiðinlegt“
• Aldrei spurður út í umhverfismál
• Finnur endurkjörinn forseti Ungra umhverfissinna
• Myndir: Plokkdagurinn gott verkefni og þarft

» Fleiri tengdar fréttir

• Blogga um frétt