Fjölda er saknað í miklum gróðureldum í Oregonríki í Bandaríkjunum. Um 1,8 milljónir hektara lands hafa brunnið í miklum eldum sem hafa logað á vesturströnd Bandaríkjanna. 

Kate Brown, ríkisstjóri Oregon, biðlar til íbúa ríkisins að yfirgefa heimili sín á eldssvæðum, þrátt fyrir sögusagnir um þjófnað á yfirgefnum heimilum. 

Yfirmaður almannavarna í Oregon, Andrew Phelps, hefur varað við því að fleiri tugir gætu látist vegna eldanna í ríkinu. Almannavarnir hafa staðfest að um 10% íbúa ríkisins hafi neyðst til að flýja eldana, en íbúafjöldinn þar er alls um 4,2 milljónir. Hið minnsta fjórir hafa látist af völdum eldanna í ríkinu. 

Frétt af mbl.is

„Allir eru orðlausir“

Brown tilkynnti í gær að 40.000 íbúar féllu undir rýmingaráætlun yfirvalda. Hundruðum þúsunda íbúa hefur verið ráðlagt að yfirgefa heimili sín án þess að falla undir rýmingaráætlunina. 

Fram kemur á BBC að 16 eldar logi nú í Oregon, en hitastig fer kólnandi og aukinn raki í loftinu hefur reynst slökkviliðsmönnum vel.

Tengdar fréttir

Gróðureldar í Bandaríkjunum 2020

Raforkufyrirtæki ákært fyrir mannskæðan eldsvoða

• „Líður eins og ég sé að kafna“
• Reykurinn teygir sig yfir á austurströndina
• „Þeir sem hafa efni á því fá hreint loft“
• Segir „afneitun“ Trumps ekki virka

» Fleiri tengdar fréttir

• Blogga um frétt