Tony Blair og John Major, fyrrverandi forsætisráðherrar Bretlands, hafa biðlað til þingmanna breska þingsins um að hafna tillögu Boris Johnsons forsætisráðherra, sem fæli í sér að ekki yrði tekið tillit til ákveðinna hluta Brexit-samnings Breta við Evrópusambandið. 

Blair og Major segja bresku ríkisstjórnina „niðurlægja“ bresku þjóðina. 

Frumvarp til laga um innri markað Evrópu verður til umræðu á breska þinginu á mánudag. Frumvarpið brýtur í bága við útgöngusamning Bretlands við Evrópusambandið. 

Blair og Major segja aðgerðir ríkisstjórnarinnar „óábyrgar, í meginatriðum rangar og hættulegar í framkvæmd“.

Ráðherrarnir fyrrverandi, sem báðir eru mótfallnir Brexit, segja skuldbindingar Bretlands á grundvelli útgöngusamningsins „alveg jafn mikilvægar“ og sett lög í landinu. Þeir hvetja þingmenn breska þingsins til að greiða atkvæði gegn frumvarpi ríkisstjórnarinnar. 

Frétt BBC. 

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt