Einn helsti aðstoðarmaður Mikes Pence, varaforseta Bandaríkjanna, greindist með Covid-19 í gær að sögn talsmanns varaforsetaembættisins.

Marc Short, sem er skrifstofustjóri embætti varaforseta, er kominn í einangrun og að sögn talsmanns Pence, Devins O'Malleys, aðstoðar Short nú smitrakningarteymið við að finna út hverja hann hefur verið í samskiptum við undanfarið. Pence-hjónin, Mike og Karen, fóru bæði í skimun í gær og eru hvorugt með smit. Pence mun halda óbreyttri dagskrá í kosningaundirbúningnum en aðeins átta dagar eru til forsetakosninganna. 

Nýjum smitum hefur fjölgað hratt í Bandaríkjunum undanfarna daga og voru í gær staðfest 89 þúsund ný smit. Hópur fólks sem tengist Hvíta húsinu hefur fengið Covid-19, þar á meðal Donald Trump forseti. 

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt