Grænlendingar þurftu ekki leyfi Dana í fyrsta sinn

Grænlensk yfirvöld hafa nú undirritað þjónustusamning við Bandaríkin um viðveru bandaríska hersins á svokallaðri Thule-herstöð í bænum Pituffik í norðurhluta Grænlands. Kim Kielsen, forsætisráðherra Grænlands, vakti athygli á því að þetta sé í fyrsta sinn sem Grænlendingar undirriti slíkan samning án þess að Danir geri það sömuleiðis. 

Kim Kielsen ásamt fleiri norrænum leiðtogum í Hörpu á síðasta ári. mbl.is/Kristinn Magnússon

Jeppe Kofod, utanríkisráðherra Danmerkur, tók þó þátt í umræðum milli Grænlendinga, Bandaríkjamanna og Dana í aðdraganda samninganna en kom hvergi nálægt undirritun þeirra. 

„Þetta er mikil ábyrgð sem Danir hafa falið okkur,“ er haft eftir Kim Kielsen í frétt KNR um málið.

Frétt af mbl.is

Bandaríkin opna ræðismannsskrifstofu á Grænlandi

Grænland fékk heimastjórn árið 1979 en landið lýtur enn þá dönsku konungsvaldi. Þrátt fyrir aukið sjálfræði Grænlendinga fara Danir enn þá með utanríkis og varnarmál fyrir Grænlendinga.

• 1 blogg um fréttina

Bloggað um fréttina

• Ómar Ragnarsson: Grænlendingar um sumt eins og við á dögum Jóns forseta.