Mikill viðbúnaður í miðborg Vínarborgar
Setja bókamerki
Karl Nehammer, innanríkisráðherra Austurríkis, segir í samtali við þarlenda fjölmiðla að árásin sem var gerð í Vínarborg í kvöld hafi verið hryðjuverkaárás. Að minnsta kosti einn hefur beðið bana í skotárás sem varð við bænahús gyðinga í borginni. Fimmtán hafa særst, þar af sjö alvarlega. Lögreglumaður er á meðal þeirra sem hafa særst. Óttast er að fleiri hafi látið lífið.
Nehammer segir að nokkrir byssumenn gangi enn lausir í borginni. Hann segir að hópurinn sé þungvopnaður og hættulegur. Búið er að kalla út nokkra hópa sérsveitarmanna sem vinna nú að því að hafa hendur í hári árásarmannanna. Leitin fer fram í Vín og nærliggjandi svæðum.
Í einu myndskeiði, sem hefur verið deilt á samfélagsmiðlum, má sjá árásarmann, að því er talið er, gefa sig fram við lögreglu við verslun í miðborginni.
Hópur vopnaðra manna réðst til atlögu á sex stöðum í borginni að sögn lögreglu, sem felldi einn árásarmannanna. Viðamikil lögregluaðgerð er nú í gangi í borginni.
Fólk hefur verið hvatt til að halda sig innandyra og ferðast ekki með almenningssamgöngum í borginni. Víða er búið að setja upp vegatálma.
Myndefni sem birst hefur á samfélagsmiðlum sýnir vegfarendur á flótta er heyra má skothvelli í nágrenninu.
Lögreglan segir að árásirnar hafi hafist við Seitenstettengasse-bænahúsið sem er aðalbænahús gyðinga í borginni. Oskar Deutsch, talsmaður gyðinga, greindi frá því á Twitter að bænahúsið hefði verið lokað þegar árásin hófst um kl. 20 að staðartíma (19 að íslenskum tíma).
Fréttin verður uppfærð
„Höfum sloppið bærilega með skaða af þessu gosi“
Nýtt fangelsi í landi Stóra-Hrauns tilbúið 2028
/frimg/1/53/7/1530787.jpg)
Flogið á milli ljósaskipta
Fullvissa ferðamenn um að hér sé öruggt
Hentugt gos fyrst gýs á annað borð
Reiðubúin að aflýsa verkföllum í fjórum leikskólum
Hópur fólks reyndi að komast að eldgosinu
Hótar Bretum og Bandaríkjamönnum