Biden kynnti barnabarnið sem látinn son sinn
Setja bókamerki
Joe Biden, fyrrverandi varaforseti Bandaríkjanna og frambjóðandi Demókrata í embætti forseta, varð fótaskortur á tungunni í dag er hann kynnti barnabarn sitt Finnegan sem son sinn Beau Biden, sem lést árið 2015.
Fram kemur í umfjöllun Mail on Sunday að atvikið hafi átt sér stað í dag er Biden hitti kjósendur í Philadelphiu. „Þetta er sonur minn Beau, sem mörg ykkar hjálpuðu að kjósa í öldungadeildina í Delaware,“ sagði Biden á meðan hann hélt utan um dóttur eldri sonar síns, Hunter Biden.
Rétt er að geta þess að Beau átti aldrei sæti í öldungadeildinni í Delaware og að Biden var staddur í Pennsylvaníu, þar sem kjósendur hafa engin áhrif á hver verður í öldungadeildinni í Delaware.
Forsetaframbjóðandinn lét þetta út úr sér aðeins örfáum klukkutímum áður en kjörstaðir loka. Biden, sem þjáist af málhömlun og þykir mismælagjarn, reyndi snögglega að leiðrétta sig og kynnti þá til leiks Natalie, sem er systir Finnegan.
„Þetta er barnabarn mitt Natalie. Nei, bíðið ég er með vitlaust.“
„Einhverjir töfrar sem gerast“
Hagsmunir íbúa að leiðarljósi
Jón „mun ekki koma nálægt meðferð hvalamálsins“
„Skjálftaklessa á milli Grímseyjar og Öxarfjarðar“
Vandræði með vatn í Bolungarvík
Glíma enn við eftirköst E.coli-smits í Efstadal
Slasað barn fær ekki styrk vegna leigu á hjólastól
Komu fólki til aðstoðar í Ísafjarðardjúpi
