Kanye kaus sjálfan sig
Setja bókamerki
Það vill gleymast en rapparinn Kanye West er í framboði til forseta Bandaríkjanna.
Kanye er á kjörseðlinum í tólf ríkjum Bandaríkjanna og í færslu á Twitter minnir hann fylgjendur sína á framboðið með því að láta vita að hann hafi kosið sjálfan sig.
Kanye býður fram undir formerkjum kristilegrar íhaldsstefnu. Hann vill banna fóstureyðingar, endurvekja bænir í skólum, afnema dauðarefsingu, styðja við listnám og umhverfisvernd. Kanye hafði þegar lýst yfir stuðningi við Donald Trump forseta, eins og þekkt er, áður en hann tók þá ákvörðun að bjóða sjálfur fram.
Meðal þeirra sem lýstu yfir stuðningi við framboð hans eru frumkvöðullinn Elon Musk, rappararnir DaBaby og Chance the Rapper, og eiginkona hans Kim Kardashian. Hvort hugur fylgir máli hjá þeim skal ósagt látið.
Vara við svindli í Zagreb
Ekki of seint að fá inflúensusprautuna
Bendir hveitifyrirtæki á kærumöguleika
Íbúar komnir heim á ný
Þykir gott að flóðin féllu
Viljum hvorki vera Danir né Bandaríkjamenn
MDE: Brotið á Jóhannesi í BK-44 máli