Donald Trump hefur beðið dómara um að stöðva talningu atkvæða í Michigan-ríki þar sem keppinautur hans, Joe Biden, hefur nauma forystu. AFP greinir frá.

Kosningastjóri Trumps, Bill Stepien, segir að teymi hans hafi ekki fengið að fylgjast með talningu atkvæða á „fjölmörgum“ talningarstöðum eins og lög gera ráð fyrir. Hann hefur þó ekki fært neinar sönnur á þessar fullyrðingar.

Þegar 94% atkvæða hafa verið talin í ríkinu er Joe Biden með 49,5% en Trump með 48,8%. Munar um 38.000 atkvæðum á frambjóðendunum.

Sextán kjörmenn eru í Michigan og þarf Trump sárlega að vinna ríkið til að eiga raunhæfa möguleika á sigri.

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• Blogga um frétt