463 atkvæði skilja á milli
Setja bókamerki
Aðeins 463 atkvæði skilja á milli í Georgíu en þar er talningu að ljúka. Donald Trump Bandaríkjaforseti leiðir en sífellt minnkar munurinn á milli hans og Joe Biden í ríkinu.
Þær tvær sýslur sem eiga eftir að telja flest atkvæði eru Gwinnett og Clayton, með um 2.500 ótalin atkvæði.
Í einhverjum sýslum var talningu hætt tímabundið í nótt en ekki í Clayton, sem er hluti af heimahéraði John Lewis heitins. Þar er Biden með um 85% atkvæða en Trump 14%.
Yfirmaður kjörstjórnar í Clayton-sýslu, Shauna Dozier, segir í samtali við CNN að hún eigi von á að talningu ljúki fljótlega. „Við verðum hér þangað til öll utankjörfundaatkvæði hafa verið talin,“ segir Dozier í viðtalinu sem var tekið um 2 í nótt að staðartíma.
Við gerum okkar besta til að tryggja að við náum að telja hvert og eitt einasta atkvæði. „Hvað sem gera þarf til þess að svo verði munum við gera.“
Samkvæmt Guardian geta bæði Donald Trump og Joe Biden farið með sigur af hólmi. Biden þarf að sigra í tveimur ríkjum – það er tveimur þessara ríkja: Arizona, Norður-Karólínu, Nevada og Georgíu. Eða sigra í Pennsylvaníu.
Donald Trump þarf aftur á móti að sigra í þremur af þessum fjórum og í Pennsylvaníu til þess að vera endurkjörinn forseti.
Kaup á Grænlandi og Íslandi skoðuð 1867
„Ég á 10-15 vini sem eru búnir að missa allt“
„Fáránleg“ vegferð Trumps sýni mikilvægi Grænlands
„Maður er að anda að sér eignum fólks“
Vill að flokksþingi verði flýtt
Hefði mjög gjarnan viljað hitta hann