Leyniþjónustan sem gætir Bandaríkjaforseta, Secret Service, hefur aukið öryggisgæslu umhverfis Joe Biden, forsetaframbjóðanda demókrata, á sama tíma og vaxandi líkur eru á að hann verði næsti forseti Bandaríkjanna.

Sérstök lífvarðasveit var send til höfuðstöðva framboðs Bidens í Wilmington í Delaware í morgun, en búist er við því að Biden muni jafnvel lýsa yfir sigri í dag.

Dagblaðið Washington Post hefur greint frá þessu.

Leyniþjónustan, sem heyrir undir ráðuneyti heimavarnarmála, hefur meðal annars það hlutverk að gæta Hvíta hússins og æðstu embættismanna.

Þegar höfðu lífverðir á vegum hennar verið sendir út til að gæta varaforsetans fyrrverandi snemma í júlí, eftir að hann sigraði í forvali demókrata.

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• Blogga um frétt