Saeb Erekat látinn
Setja bókamerki
Saeb Erekat, háttsettur palestínskur samningamaður og framkvæmdastjóri Frelsissamtaka Palestínumanna (PLO), er látinn af völdum Covid-19. Erekat varð 65 ára gamall.
Hann lést á sjúkrahúsi í Jerúsalem en þangað var hann lagður inn vegna veirunnar í síðasta mánuði.
Erekat hefur verið einn helsti samningamaður Palestínumanna í friðarumleitunum við Ísraelsmenn og einn helsti ráðgjafi Mahmouds Abbas, forseta Palestínu.
Palestínumenn hafa lýst yfir þriggja daga þjóðarsorg.
Erekat tók meðal annars þátt í gerð Óslóarsamkomulagsins, sem undirritað var árið 1993, og talaði allar götur fyrir tveggja ríkja lausn.
Erekat kom hingað til lands árið 2008 ásamt Abbas þar sem forsetinn fundaði meðal annars með Ólafi Ragnari Grímssyni, þáverandi forseta Íslands.
Ekki hægt að laga suma vegi fyrr en í vor
Áfram óvissustig vegna skriðuhættu
Neyðarástand kalli á tafarlaus viðbrögð
/frimg/1/52/89/1528998.jpg)
Eftirminnilegur og áhugasamur
Við urðum að byrja upp á nýtt
„Það var bara allt í kássu“
/frimg/1/52/89/1528993.jpg)
Þórður „má og á að skammast sín“
Innlend hópsýking lifrarbólgu B