Cummings á leið úr Downingsstræti

Dominic Cummings, helsti ráðgjafi Boris Johnson, forsætisráðherra Bretlands, ætlar að láta af störfum í ráðuneytinu um áramót. Frá þessu greinir BBC. Talvert hefur gustað í kringum Cummings, en í sumar varð ferðalag hans til Norðaustur-Englands, eftir að útgöngubann hafði verið komið á, að stóru fréttamáli í Bretlandi og þurfti hann að skýra ákvörðun sína opinberlega. Þá var Cummings einn af helstu stuðningsmönnum Brexit árið 2016.

BBC hefur eftir yfirmanni í forsætisráðuneytinu að Cummings muni láta af störfum fyrir jól, en í janúar sagði Cummings í bloggfærslu að hann hygðist draga sig í hlé innan árs. Hefur BBC nú eftir honum að staða hans frá í janúar hafi ekki breyst.

Í gær var greint frá því að Lee Cain, fjarskiptaráðherra Bretlands, hefði stigið til hliðar, en hann og Cummings voru nánir samstarfsmenn.

Hefur BBC eftir heimildarmanni í ráðuneytinu að Cummings sé nú að stíga til hliðar, því annars hefði honum verið ýtt í burtu innan skamms.

• Blogga um frétt