Tyrkneskur dómstóll dæmdi yfir 300 fyrrverandi flugmenn og aðra aðila í lífstíðarfangelsi fyrir aðild þeirra að blóðugri valdaránstilraun í landinu árið 2016 þegar steypa átti forsetanum Recep Tayyip Erdogan af stóli.

Fethullah Gulen, predikari sem býr í Bandaríkjunum og var eitt sinn samherji Erdogans, er sakaður um að hafa fyrirskipað valdaránstilraunina. Stjórnvöld í Ankara, höfuðborg Tyrklands, skilgreina hreyfingu hans sem hryðjuverkasamtök en Gulen, sem er 79 ára, neitar öllum ásökunum.

Fethullah Gulen á heimili sínu í Bandaríkjunum. AFP

Yfir 251 lést og meira en 2.000 særðust í valdaránstilrauninni. Síðan þá hafa tyrknesk stjórnvöld handtekið tugi þúsunda andstæðinga sinna og dæmt fjölmarga í fangelsi.

Frétt af mbl.is

27 í lífstíðarfangelsi í Tyrklandi

Margfalda lífstíðardóma hlutu 27 fyrrverandi flugmenn í flugher landsins, sem vörpuðu sprengjum á Ankara, og annað fólk sem stóð á bak við tilraunina frá herstöðinni Akinci skammt frá höfuðborginni.  

Í framhaldinu hlutu 337 manns lífstíðardóma fyrir morð, brot gegn stjórnarskránni og tilraun til að myrða Erdogan, samkvæmt skjölum sem AFP-fréttastofan fékk í hendurnar. Sextíu manns hlutu aðra, mislanga fangelsisdóma á meðan 75 til viðbótar voru sýknaðir.

Tyrkneskur hermaður skammt frá dómshúsinu. AFP

Tengdar fréttir

Tyrkland

Svara hryðjuverki með loftárás

• Múslimaklerkurinn Gulen er látinn
• Tyrkir vilji hleypa nýju pólitísku andrúmslofti inn
• Átök í Tyrklandi á kjördag
• Erdogan ýjar að starfslokum sínum

» Fleiri tengdar fréttir

• Blogga um frétt