Auður þeirra efnuðust í Bandaríkjunum hefur aukist um meira en eina billjón (milljón milljónir) bandaríkjadala frá því kórónuveirufaraldurinn hófst samkvæmt nýrri skýrslu.

Sameiginlegur auður 651 milljarðamærings í Bandaríkjunum jókst úr 2,95 billjónum í 4,01 billjón dala samkvæmt  tölum Institute for Policy Studies and Americans for Tax Fairness (ATF). 

Aldrei áður hefur jafn mikill auður safnast á fárra hendur og nú, segir Frank Clemente, framkvæmdastjóri ATF. Hann bendir á að aukningin sé meiri en sú fjárhæð sem tekist er á um á Bandaríkjaþingi varðandi aðgerðir til stuðnings fyrirtækja og annarra vegna Covid-19.

Á þriðjudag lagði Hvíta húsið fram frumvarp til laga um 916 milljarða dala stuðningsaðgerðir í efnahagslífinu. Þetta er heldur hærri fjárhæð en hópur öldungadeildarþingmanna lagði til í síðustu viku.

Höfundar rannsóknarinnar segja að þessi billjón gæti dugað til eingreiðslu vegna Covid-19 til allra Bandaríkjamanna, rúmlega 300 milljóna, upp á 3 þúsund dali, sem svarar til 380 þúsund íslenskra króna. 

Jeff Bezos forstjóri Amazon er ríkasti maður Bandaríkjanna. AFP

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt