Viðræður halda áfram þótt frestur renni út
Setja bókamerki
Viðræður um samning Evrópusambandsins og Bretlands vegna útgöngu Bretlands halda áfram þrátt fyrir áður yfirlýstan frest sem rennur út í dag.
Boris Johnson, forsætisráðherra Bretlands, og Ursula von der Leyen, forseti framkvæmdastjórnar Evrópusambandsins ræddu stöðu viðræðna um Brexit-samning símeiðis í hádeginu.
Niðurstöður samtalsins voru að áfram skyldi haldið með viðræður. Þetta kemur fram í sameiginlegri yfirlýsingu Johnsons og Von der Leyen rétt í þessu.
Áður yfirlýstur frestur til þess að ákveða hvort af samningi verður eður ei rennur út í dag.
„Við áttum gott samtal símleiðis í dag,“ segir í yfirlýsingunni. Þá segir að þau hafi rætt stóru óleystu málin.
„Eftir næstum ár af samningsviðræðum, þrátt fyrir að frestir hafi síendurtekið runnið út, teljum við ábyrgast í stöðunni að gera allt sem hægt er,“ segir í yfirlýsingunni.
Fréttin hefur verið uppfærð.
Við urðum að byrja upp á nýtt
Telur njósnirnar vega að lýðræðinu á Íslandi
Áfram óvissustig vegna skriðuhættu
Lýsa yfir stuðningi við kennara
Eldur kom upp í Sorpu