Austurrískir saksóknarar greindu frá því í dag að tveir til viðbótar hefðu verið handteknir í tengslum við hryðjuverkaárásina sem framin var í höfuðborginni Vín 2. nóvember.

Frétt af mbl.is

Yfirmanni hryðjuverkadeildar vikið úr starfi

Mennirnir voru handteknir á föstudag. Annar þeirra er 26 ára gamall austurrískur ríkisborgari af afgönskum uppruna, en ekki var greint frá þjóðerni hins. Farið verður fram á að mennirnir tveir verði í haldi fram að réttarhöldum í málinu.

Hryðjuverkaárásin var sú fyrsta í Austurrríki í áratugi, en það var tvítugur öfgatrúarmaður sem framdi skotárás í miðborg Vín og varð fjórum að bana í síðasta mánuði. Hann var skotinn til bana af lögreglu á vettvangi árásarinnar.

Frétt af mbl.is

Loka moskum öfgasinna

Átján hafa síðan verið handteknir í tengslum við hryðjuverkaárásina í Austurríki og í Sviss, og tveimur moskum í Vín verið lokað.

Tengdar fréttir

Hryðjuverkaárás í Vín

Yfirmanni hryðjuverkadeildar vikið úr starfi

• Loka moskum öfgasinna
• Húsleitir í Þýskalandi að beiðni Austurríkis
• Fengu ábendingu um árásarmanninn en hunsuðu hana
• Ríki íslams lýsir ábyrgð á árásinni í Vín

» Fleiri tengdar fréttir

• Blogga um frétt