Partí og veisluhöld í Wuhan

Þrátt fyrir að flest lönd heimsins berjist nú við bylgju kórónuveirusmita virðist það lítil áhrif hafa á staðnum þar sem veiran á upptök sín. Í Wuhan, og reyndar nær alls staðar í Kína, er líf nú orðið venjulegt að nýju. Veirunni hefur verið útrýmt. 

Aðeins eru liðnir sjö mánuðir frá því að útgöngubann var sett á í Wuhan, en það stóð í 76 daga, frá 23. janúar til 8. apríl, og var gripið til gríðarlega harðra aðgerða. Fólk mátti ekki yfirgefa hús sín en í sumum tilfellum var búið að logsjóða útidyr íbúa. Þetta er nú liðin tíð. 

Fólk gengur um götur borgarinnar án grímu og næturlíf er aftur farið af stað. Veisluhöld og tónleikahátíðir hafa verið haldnar í vetur og veiran að mestu gleymd. Veitingastaðir blómstra og fólk hittist í stórum hópum. Hugsanlegt er að þetta kunni að gefa vísbendingu um líf á Vesturlöndum að faraldri liðnum.