Hið svokallaða nýja afbrigði kórónuveirunnar, sem á upptök sín í Bretlandi, hefur uppgötvast í Suðurmannalandi í Svíþjóð. Hinn smitaði ferðaðist til Svíþjóðar frá Bretlandi í vikunni fyrir jól, en Signar Mäkitalo, sóttvarnalæknir í Suðurmannalandi, óttast að smitið sé ekki eina tilfelli nýja afbrigðisins sem borist hefur til Svíþjóðar. Aftonbladet og Dagens Nyheter greina frá.

Frétt af mbl.is

Nýja afbrigði veirunnar komið til Frakklands

Greint var frá smitinu á blaðamannafundi sænskra heilbrigðisyfirvalda, en á fundinum hvatti Sara Byfors, deildarstjóri hjá sænsku lýðheilsustofnuninni, alla sem höfðu ferðast til Svíþjóðar frá Bretlandi til að fara í skimun.

Lokað var á ferðir frá Bretlandi og Danmörku til Svíþjóðar að kvöldi 21. desember til að koma í veg fyrir að afbrigðið bærist til Svíþjóðar.

Frétt af mbl.is

Svíar banna komu Dana

Ekki er talið líklegt að það hafi náð að dreifa sér víða í Suðurmannalandi, en rannsóknir sýna að afbrigðið geti verið allt að 70% meira smitandi en fyrri afbrigði veirunnar. Sá smitaði er sagður hafa einangrað sig eftir komuna til landsins, og farið í skimun um leið og hann hafi fundið fyrir einkennum.

Nýja afbrigðið hefur einnig komið upp í Frakklandi, Danmörku, Ástralíu, Hollandi og Japan.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt