Kínversk blaðakona var í morgun dæmd í fjögurra ára fangelsi fyrir að streyma fréttum á netinu frá Wuhan við upphaf kórónuveirufaraldursins fyrir rétt tæpu ári.

Dómari sakaði Zhang Zhan um að hafa reynt að efna til illinda með fréttum sínum af útbreiðslu faraldursins í upphafi árs.

Á gaml­árs­dag greindu kín­versk yf­ir­völd frá dul­ar­full­um lungna­sjúk­dómi sem virt­ist vera að ná út­breiðslu í borg­inni Wu­h­an. Síðan hefur rúmlega 81 milljón Covid-19-smita verið staðfest á heimsvísu og af þeim hafa 1,7 milljónir látist.

Fréttum Zhan um veiruna var dreift víða á samfélagsmiðlum í febrúar og náðu þær augum kínverskra yfirvalda sem hafa nú þegar refsað átta uppljóstrurum vegna frétta af kórónuveirufaraldrinum.

Lögfræðingur Zhan, Ren Quanniu, óttast um heilsu skjólstæðings síns en sjálf sagðist Zhan ætla í hungurverkfall í fangelsinu.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• 1 blogg um fréttina

Bloggað um fréttina

• Örn Gunnlaugsson: Kína og Ísland.