Bandaríkin, sem höfðu lýst því yfir að 20 milljónir íbúa yrðu bólusettir fyrir lok árs 2020, hafa einungis bólusett tæpar 3 milljónir íbúa. 

Ísraelar hófu bólusetningar 19. desember og hafa að meðaltali bólusett 150.000 einstaklinga á dag. Einstaklingar yfir 60 ára, heilbrigðisstarfsfólk og fólk með undirliggjandi sjúkdóma eru í forgangshópi. Ísraelar tryggðu sér bóluefni Pfizer og BioNTech snemma í faraldrinum. Benjamin Netanyahu, sem stendur í kosningabaráttu, hefur boðað það að Ísrael verði laust úr gripum faraldurs í febrúar. 

Evrópusambandið var á eftir bæði Bretlandi og Bandaríkjunum að samþykkja nokkurt bóluefni. Lyfjastofnun Evrópu samþykkti til að mynda bóluefni Pfizer 21. desember, en sama bóluefni var samþykkt 2. desember á Bretlandi og 11. desember í Bandaríkjunum.