Norsk stjórnvöld hafa hert samkomutakmarkanir vegna kórónuveirunnar í landinu. Hvorki má heimsækja aðra né fá fólk í heimsókn næstu tvær vikurnar og ekki mega fleiri en fimm koma saman í einkasamkvæmum utan heimilis.

Einhverjar undantekningar eru þó á heimsóknarbanninu og til dæmis mega börn heimsækja önnur börn frá sama leikskóla eða skóla, að sögn norska ríkisútvarpsins 

„Við þurfum að taka höndum saman til að koma í veg fyrir útbreiðslu smita,“ sagði Erna Solberg, forsætisráðherra Noregs, á blaðamannafundi.

Reglur um sölu áfengis hafa einnig verið hertar en veitingastaðir mega áfram vera opnir.

Í mesta lagi tíu manns mega safnast saman á opinberum viðburðum innandyra en allt að 200 ef þeir sitja í merktum sætum.

Allt að 50 manns mega koma saman í jarðarförum.

Fjarkennsla verður í framhalds- og háskólum til 18. janúar. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt