Lögreglumaðurinn sem skaut Jacob Blake ekki ákærður
Setja bókamerki
Lögreglumaðurinn sem skaut Jacob Blake 23. ágúst í bænum Kenosha í Wisconsin-ríki, verður ekki ákærður. Blake, sem er svartur, er lamaður fyrir neðan mitti eftir að hafa verið skotinn oftar en einu sinni í bakið af hvítum lögreglumanni þegar hann fór inn í bifreið sína þar sem þrjú börn hans sátu.
Atvikið jós olíu á ört vaxandi eld óánægju og reiði almennings vegna ofbeldisverka lögreglumanna gagnvart svörtum um öll Bandaríkin. Mótmælaalda og glundroðaástand fylgdi. Tveir létust og þriðji slasaðist í mótmælunum fáeinum dögum eftir atvikið.
Kyle Rittenhouse, 18 ára, neitaði sök þegar hann kom fyrir dómara í dag, en hann var ákærður fyrir meðal annars manndráp af gáleysi í mótmælunum. Hann ásamt fleiri vopnuðum öfgahægrisinnum komu til Kenosha frá öðrum ríkjum Bandaríkjanna eftir árásina á Blake.
Umdæmislögmaður Kenosha, Michael Graveley, tilkynnti í dag að lögregluþjóninn sem skaut Blake, Rusten Sheskey, yrði ekki sóttur til saka. Atvikið var tekið upp á myndband sem deilt var á samfélagsmiðlum. Graveley sagði á blaðamannafundi í dag að fyrir dómara yrði ekki hægt að sanna að beiting Sheskey á skotvopni væri ekki réttlætanleg.
Eldur kom upp í Sorpu
Minni tafir en í sambærilegum borgum
„Það var bara allt í kássu“
Lýsa yfir stuðningi við kennara
/frimg/1/52/89/1528993.jpg)
Þórður „má og á að skammast sín“
Neyðarástand kalli á tafarlaus viðbrögð
Spá illviðri víða um land á morgun
Nóvemberhitametið fallið?