Íbúar sem hafa þurft að yfirgefa heimili sín á rýmingarsvæðinu í Ask í Noregi hafa þurft að vera skimaðir fyrir kórónuveirunni eftir að smit kom upp á Olavsgaard-hótelinu þar sem mikill fjöldi íbúa dvelur nú. 

„Þetta er mjög óheppilegt. Þetta er frekari byrði á þá sem hafa þegar misst heimili sín í jarðfallinu,“ segir Jørgen Vik, bæjarstjóri Lillestrøm, við Dagsavisen. 

Allir þeir sem dvelja á hótelinu munu þurfa fara í sýnatöku. Seint á þriðjudagskvöld lá fyrir að 440 skyndipróf voru neikvæð að sögn NRK. Sýnin voru tekin og greind á innan við fimm klukkustundum. 

„Það eru íbúar, starfsmenn á bæði hótelinu og hjá sveitarfélaginu, sjálfboðaliðar og lögregluþjónar sem hafa nú þegar farið í sýnatöku. Allir hafa verið neikvæðir,“ segir Vik. 

Tengdar fréttir

Jarðfall í Noregi

Assange mættur fyrir rétt á Maríanaeyjum

• Ákæra Gjerdrum vegna hörmunganna í Ask
• Síðasta líkið í Gjerdrum fundið
• Ellefu nöfn lesin upp í kirkjunni
• Stjórnar rannsókninni í Ask

» Fleiri tengdar fréttir

• 1 blogg um fréttina

Bloggað um fréttina

• Sigurður Antonsson: Jarðföll á Seyðisfirði og í Noregi