Afar mjótt er á munum þegar 98% atkvæða hafa verið talin í aukakosningum til öldungadeildar Bandaríkjaþings sem fram fóru í Georgíu-ríki í gær. Fram­bjóðandi demó­krata, Rap­hael Warnock, hefur lýst yfir sigri í baráttunni um annað sætið og demókratinn Jon Osoff hefur afar naumt forskot á repúblikann David Perdue í baráttunni um hitt sætið.

Sjónvarpsstöðvar vestanhafs og AP-fréttastofan hafa staðfest sigur hins 51 árs Warnock. Fari svo að demókratar vinni bæði öldungadeildarþingsætin tryggja þeir sér meirihluta í öldungadeildinni.

Þá myndi verðandi vara­for­seti Banda­ríkj­anna, Kamala Harris, hafa úr­slita­at­kvæði í öld­unga­deild­inni. 

Frétt af mbl.is

Lýsir yfir sigri í Georgíu

Re­públi­kan­arn­ir Kelly Loeffler og Dav­id Per­due sækj­ast eft­ir end­ur­kjöri í kosn­ing­un­um. Eins og áður segir sóttist Rap­hael Warnock eft­ir sæti Loeffler og blaðamaður­inn Jon Ossoff eft­ir sæti Per­du­es. Eng­inn fram­bjóðend­anna náði til­skild­um 50% at­kvæða til að vinna kosn­ing­arn­ar sem fram fóru í nóv­em­ber þegar Joe Biden fékk meiri­hluta at­kvæða í rík­inu. 

Tryggi Warnock sér annað sætið, eins og allt bendir til, verður hann fyrsti svarti öldungadeildarþingmaðurinn í Georgíu-ríki frá upphafi. 

Spennan er mikil. AFP

Gabriel Sterl­ing, yfirmaður kjör­stjórn­ar í Georgíu, sagði í samtali við CNN að búast mætti við endanlegri niðurstöðu atkvæðagreiðslunnar á hádegi vestanhafs, um klukkan 17:00 síðdegis í dag að íslenskum tíma.

Enn á eftir að telja nokkur þúsund atkvæði en samkvæmt fjölmiðlum vestanhafs er þar mestmegnis um að ræða úthverfi Atlanta, þar sem demókratar njóta meiri hylli.

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• Blogga um frétt