Múgur braust inn í þinghúsið
Setja bókamerki
Óeirðir brutust út á Capitol Hill í Washington í dag þar sem Bandaríkjaþing er til húsa þegar stuðningsmenn Donalds Trumps Bandaríkjaforseta brutu sér leið inn í bygginguna. Lögreglan beitti skotvopnum og táragasi á hópinn. AFP hefur eftir þingmönnum að um „valdarán“ sé að ræða.
Neðst í fréttinni má sjá beina fréttalýsingu mbl.is frá atburðunum vestra.
Sameiginlegur þingfundur fulltrúadeildarinnar og öldungadeildarinnar stendur yfir, en hlé hefur nú verið gert á fundahöldum.
Á myndum má sjá mótmælendur halda á skotvopnum inni í þinghúsinu. Þeir halda því fram að brögð hafi verið í tafli þegar Trump beið ósigur fyrir Joe Biden í forsetakosningunum sem fóru fram í nóvember sl.
Lögregla hafði girt þinghúsið af eftir að til átaka kom milli lögreglu og mótmælenda. Stuðningsmenn Trumps hafa mótmælt fyrirhugaðri staðfestingu Bandaríkjaþings á forsetakosningunum sem fram fóru í nóvember síðan snemma í dag.
Í beinni útsendingu ABC-fréttastöðvarinnar af óeirðunum kemur fram að lögreglumenn innan þinghússins séu mun færri en mótmælendur. Er nú unnið að því að koma fleiri lögregluþjónum á svæðið. Þá er fullyrt á ABC að nú sé unnið að rýmingu þinghússins. Varaforseti Bandaríkjanna Mike Pence hefur þegar verið fluttur af svæðinu.
Samkvæmt heimildum ABC í þinghúsinu hafa mótmælendur, sem eru nú staddir á þriðju hæð, gengið á milli skrifstofa þingmanna og kallað „hvar í fjandanum eru þau“.
„Þetta er ekki Úkraína, þetta er ekki Hvíta-Rússland, þetta er þinghús Bandaríkjanna,“ sagði fréttamaður ABC.
BNO News greinir frá því á Twitter að einn hafi verið skotinn.
CNN greinir frá því að kona sé alvarlega slösuð eftir að hafa orðið fyrir skoti.
Muriel Bowser, borgarstjóri í Washington D.C., hefur fyrirskipað útgöngubann í borginni eftir að mótmælendur brutu sér leið inn í þinghúsið. Nancy Pelosi, forseti fulltrúadeildar Bandaríkjaþings, hefur kallað til þjóðvarðlið vegna mótmælanna.
Blaðamaðurinn Matt Fuller segir á Twitter að mótmælendurnir hafi skotið inni í þingsal.
Donald Trump Bandaríkjaforseti sagði á Twitter að lögreglan „er raunverulega með ykkur í liði“ og hvatti mótmælendur til að vera friðsamir.
Við þökkum fyrir samfylgdina, umfjölluninni hefur lokið.
7.1.2021
Lokum hér
Við þökkum fyrir samfylgdina á þessu feedi.
Áfram verður fylgst með gangi mála á mbl.is en við lokum hér að sinni.
7.1.2021
FBI óskar eftir aðstoð almennings
7.1.2021
Þingmaður repúblíkana kennir ANTIFA um
Mo Brooks er þingmaður repúblíkana í fulltrúadeild. Á twitter reikningi sínum heldur hann því fram að fólkið sem braust inn í þinghúsið hafi ekki verið komin til þess að styðja Trump heldur til þess að valda óeirðum og koma óorði á stuðningsmenn Trumps.
Hann vill þó að allir sem þátt tóku verði sóttir til saka.
7.1.2021
Hluti skemmdarverka
Myndir frá CNN fréttastofu af hluta skemmdarverka sem unnin voru á þinghúsinu í gær.
7.1.2021
Hvar gerðist hvað í húsinu?
7.1.2021
Yfirlitsmynd af þinghúsinu í Washington
7.1.2021
Hver er maðurinn með hornin?
7.1.2021
Átti að taka gísla?
Truflandi myndir af gálga sem reistur var fyrir utan þinghúsið í Washington í gær ganga nú á netinu. Einnig eru myndir af þátttakendur í innrásinni eru sagðir tilbúnir undir gíslatöku.
7.1.2021
Mótmælin borin saman við BLM
Viðbrögð og viðvera lögreglu og yfirvalda er mikið borin saman á samfélagsmiðlum við önnur mótmæli. Miklar umræður hafa myndast á samfélagsmiðlum um skotvopnanotkun og sjónarmiðum velt upp hvort viðbrögðin yrðu þau sömu við Black Lives Matter mótmælum eða loftslagsmótmælum.
7.1.2021
Boðflennur í vígahug - fréttaljósmyndir
7.1.2021
Starfsmenn þingsins björguðu atkvæðaseðlum
Starfsmenn öldungadeildar þingsins eru sögð hafa verið snör í snúningum og sýnt hetjudáð þegar ljóst væri að þingsalurinn væri í hættu og haldið á brott með kjörmannaatkvæðaseðlana.
7.1.2021
Cori Bush safnar undirskriftum
Fulltrúadeildarþingkonan Cori Bush hefur hafið undirskirftarsöfnun þar sem krafist er afsagnar allra fulltrúa Repúbíkana sem tóku þátt í valdránstilrauninni.
7.1.2021
Spjallþáttastjórnendur lýsa yfir reiði
7.1.2021
Angela Merkel segir Trump deila ábyrgð
7.1.2021
Hvernig gat þetta gerst?
Var að slitna frá bryggju sökum hvassviðris
Í þögn hjartans
38 létust í flugslysi
Skoða ráðstafanir vegna mikillar kuldaspár
Björgunarsveitir kallaðar út í nótt
Sex fluttir með þyrlunni og þar af eitt barn