Erlent | mbl | 7.1.2021 | 11:03

Boðflennur í vígahug - fréttaljósmyndir

Mynd 1 af 15 Starfsmaður þinghússins sést hér með hendur á lofti þegar sérsveitarmaður með alvæpni gekk á milli herbergja í þeim tilgangi að sjá til þess að engir óboðnir gestir væru enn í þinghúsinu. AFP

Mynd 2 af 15 Stuðingsmaður Donalds Trumps sést hér halda á brjóstmynd af forsetanum fráfarandi fyrir framan þinghúsið í gær. AFP

Mynd 3 af 15 Fjölmenni safnaðist saman í Washington í gær. AFP

Mynd 4 af 15 Starfsfólk þinghússins sést hér setja sófa og annað lauslegt fyrir dyr í þinghúsinu til að varna æstum múgnum inngöngu. AFP

Mynd 5 af 15 Stuðningsmenn Trumps sjást hér í þinghúsinu í gær, og sumir voru ansi skrautlega til fara. AFP

Mynd 6 af 15 Hluti hinna óboðnu gesta sem brutu sér leið inn í þinghúsið í gær. Hér sést maður sigri hrósandi með ræðupúlt í fanginu. AFP

Mynd 7 af 15 Þessi maður kom sér fyrir inni á skrifstofu Nancy Pelosi, forseta þingsins, og lét eins og hann væri heima hjá sér. AFP

Mynd 8 af 15 Skelfingu lostnir starfsmenn þinghússins sjást hér leita skjóls eftir að boðflennurnar höfðu brotið sér leið inn í húsið. AFP

Mynd 9 af 15 Hópur óboðinna gesta á göngum þinghússins í reykjarmekki. AFP

Mynd 10 af 15 Ekki er vitað nákvæmlega hvað þessum manni gekk til sem hékk fram af svölum í fundarsal þingsins í gær. AFP

Mynd 11 af 15 Washington breyttist í vígvöll í gær. AFP

Mynd 12 af 15 Lögreglumenn sjást hér handtaka mann sem lét ófriðlega fyrir utan þinghúsið. AFP

Mynd 13 af 15 Lögreglan beitti táragasi til að dreifa mannfjöldanum þegar ljóst var að hlutirnir voru komnir úr böndunum. AFP

Mynd 14 af 15 Mike Pence, fráfarandi varaforseti Bandaríkjanna, stýrði þingfundinum í gær þar sem Joe Biden var formlega staðfestur sem næsti forseti Bandaríkjanna. AFP

Mynd 15 af 15 Donald Trump, fráfarandi forseti Bandaríkjanna, er sakaður um að hafa helt olíu á eldinn með því að neita að viðurkenna úrslit kosninganna, en Trump hefur ítrekað fullyrt að brögð hafi verið í tafli. Hann hefur nú aftur á móti sagt að valdaskiptin þann 20. janúar muni fara fram með friðsamlegum hætti. AFP

Stuðningsmenn Donalds Trumps, fráfarandi Bandaríkjaforseta, fjölmenntu í Washington, höfuðborg Bandaríkjanna, í gær þar sem þingið kom saman til að staðfesta úrslit kosninganna sem fóru fram í nóvember. Upp úr sauð í gærkvöldi þegar æstur múgur réðist inn í þinghúsið.

Gera varð hlé á fundi þingsins, bæði í efri og neðri deildinni, eftir að óboðnir gestir voru komnir inn á ganga, skrifstofur og í fundarsali þingsins. Það sló í brýnu á milli lögreglu og boðflennanna og að minnsta kosti fjórir hafa látið lífið.

Að lokum tókst að rýma svæðið og þingið gat haldið áfram störfum sínum og hefur nú formlega staðfest að Joe Biden er réttkjörinn 46. forseti Bandaríkjanna.