Garland verður dómsmálaráðherra

Joe Biden, tilvonandi forseti Bandaríkjanna, hefur staðfest að hann muni tilnefna Merrick Garland sem dómsmálaráðherra í stjórn sinni. Garland er miðjusinnaður dómari sem repúblíkanar höfnuðu sem hæstaréttardómara fyrir fimm árum.

Hann starfar í dag sem dómari við áfrýjunardómstól í Washington og er þekktur fyrir að vera hófsamur og frjálslyndur og er ekki flokksbundinn. 

Öldungadeild þingsins tafði tilnefningu Baraks Obama á honum til hæstaréttar í átta mánuði árið 2016, sem gerði það að verkum að valdið til að tilnefna dómara féll í skaut Donalds Trump, núverandi og fráfarandi forseta Bandaríkjanna, og tilnefndi hann íhaldsdaman dómara árið eftir. 

Biden mun kynna Garland og val sitt í aðrar lykilstöður innan dómsmálaráðuneytisins í dag er kemur fram í tilkynningu frá starfsteymi Bidens. 

Garland er 68 ára og á að baki langan feril sem bæði sjálfstætt starfandi lögmaður og saksóknari. 

• Blogga um frétt