Nálgast topp K2 óðfluga
Mynd sem Mingma birti á Facebook í morgun en leiðangur hans á aðeins 200 metra ófarna á topp K2.
Skjáskot af Facebook-síðu Mingma
Setja bókamerki
Nepalski fjallagarpurinn Mingma, ásamt fleiri Nepölum, nálgast nú óðfluga tind K2 en þeir eiga aðeins 200 metra ófarna á toppinn samkvæmt færslu Nims á Facebook upp úr klukkan 8 í morgun.
Ef þeim tekst ætlunarverkið verða þeir fyrstir til þess að klífa K2 að vetrarlagi en John Snorri Sigurjónsson fjallgöngumaður komst í þriðju búðir á K2 í gær ásamt Muhammad Ali Sadpara og Sajid Ali, feðgunum sem fylgja honum. John Snorri greinir frá þessu á Facebook.
Á Facebook-síðu Mingma kemur fram að fyrsti leiðangur hans á fjall sem er meira en átta þúsund metrar að hæð hafi verið á Mt. Manaslu en hann hóf fjallamennsku árið 2006.
Hann hefur klifið Everest fimm sinnum, tvisvar norðan megin og þrisvar sunnan megin. Hann hefur tvisvar náð að standa á toppi K2 en auk þess hefur hann klifið Mt. Kanchenjunga (8.586 m), Lhotse (8.516 m), Makalu (8.463 m), ChoOyu (8.201 m), Dhaulagiri (8.167 m) auk þess að standa á tindi Mt. Manaslu fjórum sinnum, einu sinni á Nanga Parbat (8.125 m), Annapurna (8.091 m), Gasherbrum-I (8.068 m), Broad Peak (8.047 m), Gasherbrum-II (8.035 m).
Hér er hægt að lesa nánar um Mingma en fréttin hefur verið leiðrétt.
Fæðuöryggi: „Áttum mat í þrjár vikur“
Börnin eiga að ýta við foreldrum sínum
„Við vöknuðum við hljóð frá sprengingum“
Falskur fyrirvari á auglýsingum Höllu
Ákærður fyrir stunguárás á menningarnótt
Formaðurinn útilokar ekki undirritun í kvöld
Vinna hefst í dag við að reisa undirstöður
Dæla, kæla og verja mikilvæg mannvirki