Stór sprenging í Madríd: Þrír látnir
Setja bókamerki
Bygging hrundi þegar stór sprenging varð í Madríd fyrr í dag. Í það minnsta þrír létust í sprengingunni. Samkvæmt spænskum miðlum eru minnst sex særðir, þar af einn alvarlega.
Hús í nágrenninu hafa verið rýmd.
„Það lítur út fyrir að um gassprengingu hafi verið að ræða,“ sagði Jose Luis Martinez-Almeida, borgarstjóri Madrídar, við blaðamenn á svæðinu.
Sprengingin varð í miðborg Madrídar við Toledo götu. Níu teymi slökkviliðsmanna og 11 sjúkrabílar hafa verið sendir þangað.
Byggingin sem skemmdist er í eigu erkibiskupsdæmisins í Madríd. Hún er í nágrenni grunnskóla. Nemendur hafa verið fluttir úr skólanum en þeir þurftu að skilja persónulega muni þar eftir. Samkvæmt heimildum laSexta voru börnin flutt úr skólanum vegna sterkrar gaslyktar og ótta við aðra sprengingu.
Hjúkrunarheimili er einnig staðsett nálægt byggingunni og verða íbúar þess líklega fluttir á hotel.
Pedro Sánchez, forsætisráðherra Spánar, segist harma atburðinn.
Fréttin hefur verið uppfærð
Borga milljónir í leigu í staðinn fyrir 750 þúsund
Magn kviku komið yfir neðri mörkin
Sagði Sigurð ljúga blákalt að þingheimi
„Tilbúin til að takast á við gos í þessum mánuði“
Skoða hvernig ráðuneytið getur beitt sér
Á þessu stranda samningar í kjaradeilu kennara
Telur að Alfreð hafi verið í geðrofi
Íslenskar konur styðja vitnin í Noregi