Ísraelar byrja að bólusetja unglinga
Setja bókamerki
Ísraelar munu í dag hefja bólusetningu á unglingum á aldrinum 16 til 18 ára. Er þetta gert til að auka líkurnar á því að umræddur aldurshópur geti tekið vorprófin sem nú nálgast. Þetta kemur fram í umfjöllun Reuters.
Í Ísrael hefur bólusetning gengið afar hratt fyrir sig, en landið gerði sérstakan samning við lyfjarisann Pfizer um kaup á bóluefni fyrir stóran hluta þjóðarinnar. Nú þegar hefur um fjórðungur ísraelsku þjóðarinnar verið bólusettur að því er segir í vef á heilbrigðisráðuneytisins þar í landi.
Til að byrja með voru einungis eldri borgarar og fólk í áhættuhópi á meðal þeirra sem fengu bóluefni. Nú hefur bólusetning þó verið gerð opin þeim sem eru eldri en 40 ára og handa unglingum á aldrinum 16 til 18 ára.
Ástæðan fyrir því að sérstök áhersla er lögð á þennan aldurshóp er sú að unglingarnar taka nú próf sem ráða því í hvaða háskóla þeir komast. Að sama skapi er þetta gert til að tryggja að þeir sem sinna þurfa herskyldu geti gert það. Vonir standa til að skólar í landinu verði opnaðir í næsta mánuði.
Telur njósnirnar vega að lýðræðinu á Íslandi
Nóvemberhitametið fallið?
Hjúkrunarfræðingar skrifa undir kjarasamning
Áfram óvissustig vegna skriðuhættu
Áfram eftirlit á Lundi og rætt við starfsfólk
„Það var bara allt í kássu“
Eldur kom upp í Sorpu
Lýsa yfir stuðningi við kennara