Bóluefni virkar gegn meira smitandi afbrigðum
Setja bókamerki
Lyfjafyrirtækið Moderna segir niðurstöður rannsókna þess sýna að bóluefni fyrirtækisins virki gegn afbrigðum Covid-19 sem komið hafa upp í Bretlandi og Suður-Afríku.
Í frétt AFP kemur fram að fyrirtækið muni prófa að bæta við einni sprautu af bóluefninu, þar sem fólk muni þá alls fá þrjár sprautur.
Rannsóknir á aukaskammtinum gegn suðurafríska afbrigðinu eru þegar hafnar. Áðurnefnd afbrigði, auk eins frá Brasilíu, eru talin meira smitandi.
Stephane Bancel, forstjóri fyrirtækisins, segir niðurstöðurnar gleðiefni.
Magn mótefna breyttist ekki þegar bóluefnið var prófað á breska afbrigðinu, B.1.1.7, en minnkaði sexfalt hjá þeim sem voru með suðurafríska afbrigðið.
Þrátt fyrir það var mótefnið yfir því magni sem þarf til að vernda mann gegn veirunni.
Nóvemberhitametið fallið?
Um 170 ný störf gætu skapast
Vilja bora við Bolaöldu
Sama orðræða um konur og í Klaustursmálinu
Telur njósnirnar vega að lýðræðinu á Íslandi
Eldur kom upp í Sorpu