Kista lögreglumanns í þinghúsinu
Setja bókamerki
Kista lögreglumanns Bandaríkjaþings sem lést af völdum meiðsla sem hann hlaut þegar æstir stuðningsmenn Donalds Trumps, fyrrverandi Bandaríkjaforseta, ruddust þangað inn mun standa í þinghúsinu honum til heiðurs.
Brian Sicknick, 42 ára, var laminn í höfuðið með slökkvitæki er hann átti í átökum við múginn sem hafði ruðst inn í þinghúsið.
Hann sneri aftur á lögreglustöðina eftir árásina og þar hneig hann niður og var fluttur á sjúkrahús. Daginn eftir lést hann og voru fórnarlömb árásarinnar á þinghúsið þar með orðin fimm.
„Bandaríkjaþing syrgir í sameiningu, með þakklæti í huga fyrir þjónustu og fórnir lögreglumannsins Brians Sicknicks,“ sögðu Nancy Pelosi, forseti fulltrúadeildar þingsins, og Chuck Schumer, leiðtogi meirihlutans í öldungadeildinni, í yfirlýsingu. Að sögn BBC mun kistan standa í þinghúsinu í tvo daga.
Sértök heiðursathöfn verður haldin í þinghúsinu til að minnast Sicknicks. Aðeins fjórir aðrir hafa verið heiðraðir á þennan hátt. Þeir eru predikarinn Billy Graham, mannréttindaleiðtoginn Rosa Park og tveir aðrir lögreglumenn Bandaríkjaþings, þeir Jacob Chestnut og John Gibson, sem voru drepnir í skotárás í byggingunni árið 1998.
Óskar atbeina Alþingis vegna byrlunar
Um 90 milljónir í vanskilum
Vottar Jehóva fyrir áfrýjunardómstól
/frimg/1/46/36/1463611.jpg)
„Það er búið að þvarga hérna fram og til baka“
Ekkert breyst í samstarfinu nema fylgi flokkanna
Snapchat verst af þeim öllum
Viðtalið sem sprengdi meirihlutann?
Lofaði kjósendum að knýja fram breytingar