WHO gagnrýnir ESB vegna útflutningshamla
Setja bókamerki
Alþjóðaheilbrigðismálastofnuninn WHO hefur gagnrýnt yfirlýsingar Evrópusambandsins um útflutningshömlur á bóluefni sem framleitt er innan sambandsins. WHO segir slíkar hömlur geta valdið því að heimsfaraldurinn dragist á langinn. BBC greinir frá.
Framkvæmdastjórn Evrópusambandsins samþykkti í gær nýjar reglur sem veita henni heimild til þess að banna útflutning á bóluefni og hráefni til bóluefnagerðar til vissra ríkja ef viðkomandi lyfjafyrirtæki hefur ekki staðið við samninga sína til sambandsins. Þetta var gert vegna fyrirsjáanlegs skorts á bóluefni vegna vanefnda framleiðenda.
Um 100 ríki eru á undanþágulista frá heimildinni, þar á meðal Ísland og hin EFTA-ríkin.
Aðstoðarframkvæmdastjóri WHO, Mariangela Simao, sagði ástæðu til að hafa áhyggjur af þróuninni vegna hamlanna. Áður hefur Tedros Adhanom Ghebreyesus, framkvæmdastjóri WHO, sagt að bólusetningarþjóðernisrembingur geti leitt til þess að batinn eftir heimsfaraldur frestist.
Þá sagði hann á rafrænni útgáfu af alþjóðlegu ráðstefnunni Global Summit að hesthúsi ríkar þjóðir bóluefni muni það halda heimsfaraldrinum við og hægja á efnahagsbata auk þess að vera siðferðileg rangt.
Viðtalið sem sprengdi meirihlutann?
Svo er framtíðin óskrifað blað
Lofaði kjósendum að knýja fram breytingar
Buðu upp á æfingar án öryggisúttektar
Guðrún býður sig fram til formanns
Ekkert breyst í samstarfinu nema fylgi flokkanna
„Það var blóðlykt“