Segja sig úr flokknum og kalla hann „Trump-söfnuð“

Repúblikanar, sumir hverjir háttsettir og fyrrum embættismenn frá valdatíð George Bush, yfirgefa nú flokkinn í hrönnum og kalla hann jafnvel Trump-söfnuð (e. Trump cult).

„Repúblikanaflokkurinn sem ég eitt sinn þekkti er ekki lengur til. Núna kallast þetta einu nafni Trump-söfnuður,“ hefur fréttastofa Reuters eftir Jimmy Gurulé, fyrrum aðstoðarráðherra hryðjuverkamála hjá fjármálaráðuneyti Bandaríkjanna.

Kristopher Purcell, sem vann hjá samskiptadeild Hvíta hússins í sex ár, segir að um 60 til 70 fyrrum embættismenn hjá Bush hafi ákveðið að yfirgefa flokkinn eða slíta tengslum við hann. Tala þeirra fari hækkandi.

Í frétt Reuters er fullyrt að flokkurinn samanstandi nú af repúblikönum sem hafa ekki sérstaka skoðun á Trump og íhaldsmönnum sem er ofboðið vegna þess hve sterk ítök forsetinn fyrrverandi hefur í flokknum. Án hópanna beggja verði erfitt fyrir flokkinn að bera sigur úr býtum í forsetakosningum.

• 1 blogg um fréttina

Bloggað um fréttina

• Ómar Ragnarsson: Klofningur Repúblikana myndi færa Demókrötum forsetaembættið á silfurfati.