„Ólöglegar“ talstöðvar gætu fellt Suu Kyi
Setja bókamerki
Ákærur á hendur Aung San Suu Kyi, leiðtoga Mjanmar sem hrakinn var frá störfum, snúa að talstöðvum sem hún hafði í fórum sínum og eru sagðar hafa verið fluttar inn ólöglega. Ákærurnar gætu leitt til tveggja ára fangelsisdóms.
Í skjali frá lögreglunni í höfuðborg Mjanmar, Naypitaw, kemur fram að hermenn sem leituðu í íbúð Suu Kyi hafi fundið talstöðvar sem voru fluttar ólöglegar til landins og notaðar án leyfis af lífvörðum hennar.
Ríkisfjölmiðill í Mjanmar greindi þá frá því að herstjórnin í landinu, sem framkvæmdi valdarán í byrjun viku, muni rannsaka það sem hún segir vera kosningasvindl í kosningum þar í landi í nóvember síðastliðnum. Stjórnmálaflokkur hersins beið stóran ósigur í kosningunum fyrir flokki Suu Kyi.
Heilbrigðisstarfsmenn lögðu niður störf
Þá er Win Myint, forseti landsins, ákærður fyrir að hafa brotið sóttvarnalög með því að hafa hitt fólk í kosningaferð sinni.
Líklegt er talið að ákærurnar séu frekari olía á þann eld sem reiði almennra borgara í garð hersins er orðin. Ein fyrsta aðgerðin gegn hernum af hálfu almennings var framkvæmd í dag þegar heilbrigðisstarfsmenn 70 spítala og læknadeilda í Naypyidaw, Yangon og öðrum borgum og bæjum sögðust ekki geta starfað undir herstjórninni. Heilbrigðisstarfsmennirnir segja herforingjana setja sínar eigin þarfir ofar almennra borgara.
Kristján Þórður segir af sér
Nýtt að gestalistinn sé umræðuefni á Alþingi
Ein flugbraut eftir á Reykjavíkurflugvelli
„Sá það bara hverfa í einni vindhviðu“
Óskar atbeina Alþingis vegna byrlunar
Flokkarnir þurfa ekki að endurgreiða styrki
Svo er framtíðin óskrifað blað
