Kórónuveirufaraldurinn hefur haft hörmulegar afleiðingar í för með sér varðandi krabbameinsmeðferðir í Evrópu segir framkvæmdastjóri Evrópudeildar Alþjóða heilbrigðismálastofnunarinnar (WHO), Hans Kluge.

Röskun hefur orðið á þjónustu við fólk með krabbamein í þriðjungi ríkja Evrópu vegna Covid-19 en í dag er alþjóðlegur dagur gegn krabbameinum.

Alls eru 53 ríki í Evrópudeild WHO, þar af nokkur í Mið-Asíu. Í einu af hverjum þremur ríkjum hefur öll þjónusta eða að hluta lagst niður tímabundið vegna Covid-19 og álagsins á heilbrigðiskerfið sem farsóttin hefur valdið og ferðatakmarkanir.

Kluge segir að einhver ríki hafi glímt við skort á krabbameinslyfjum og í mörgum löndum hafi nýjum greiningum fækkað umtalsvert. Jafnvel í þeim ríkjum sem standa framarlega í skimunum. 

Í Hollandi og Belgíu fækkaði nýgreindum um 30-40% í fyrstu bylgju faraldursins í fyrra. Í Kírgistan nam fækkunin 90%. 

Fastlega er gert ráð fyrir því að dauðsföllum af völdum ristilkrabbameins eigi eftir að fjölga um 15% í Bretlandi þar sem krabbamein greinist síðar en áður og eins meðferðin ekki jafn skilvirk og áður. Fjölgun dauðsfalla af völdum brjóstakrabbameins er talin verða 9% í Bretlandi á næstu fimm árum. 

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 4 blogg um fréttina

Bloggað um fréttina

• Þorsteinn Siglaugsson: Ekki afleiðingar covid heldur aðgerða stjórnvalda
• Páll Vilhjálmsson: Lýðræði, menning og farsótt
• Þórdís Björk Sigurþórsdóttir: "We told you so...."!
• Tómas Ibsen Halldórsson: Hörmulegar afleiðingar Covid-19