Slökkva á netinu í Mjanmar
Setja bókamerki
Herforingjastjórnin í Mjanmar hefur nú nánast lokað fyrir netaðgang í landinu til að stemma stigu við sívaxandi mótmælaöldu. Á mánudag rændi mjanmarski herinn völdum og handtók Aung San Suu Kyi, leiðtoga landsins.
Gríðarleg mótmæli spruttu upp í kjölfarið og reyna lögreglumenn nú, gráir fyrir járnum, að stöðva mótmælin, að því er fram kemur í frétt BBC.
NetBlocks Internet Observatory, samtök sem fylgjast með aðgangi fólks að netinu, segja að nettenging í landinu sé aðeins 16% af því sem eðlilegt er.
Áður hafði verið lokað fyrir samfélagsmiðlana Facebook, Twitter og Instagram til þess að kveða mótmæli í kútinn og nýtti fólk sér þá sýndareinkanet (VPN) til þess að geta tengst netþjónum annarra landa. Nú er það nánast ekki lengur hægt.
Mannréttindasamtök á borð við Amnesty International hafa varað við því að íbúar Mjanmar gætu orðið varnarlausari fyrir mannréttindabrotum vegna þessa útspils herforingjastjórnarinnar.
Tilkynningar um tjón á fjórða hundrað
Skemmdir á tækjum og búnaði á skíðasvæðinu
Nýtt að gestalistinn sé umræðuefni á Alþingi
Viðtalið sem sprengdi meirihlutann?
Andleg og líkamleg heilsa verri en annarra