Breska afbrigðið breiðist hratt út í Bandaríkjunum

Breska afbrigði kórónuveirunnar breiðist hratt um Bandaríkin samkvæmt nýrri rannsókn sem kom út í dag. Þetta kemur fram á vef BBC. 

Afbrigðið er smitandi og tilfelli þess hafa tvöfaldast á 9 daga fresti í Bandaríkjunum. 

Útbreiðsla afbrigðisins, þekkt sem B.1.1.7, hefur sett aukinn þrýsting ábólusetningarviðleitni um allan heim. 

Frétt af mbl.is

Breska afbrigðið hefur stökkbreyst aftur

Sóttvarnastofnun Bandaríkjanna (CDC) spáir því að afbrigðið verið ríkjandi stofn kórónuveirunnar í mars. 

Samkvæmt sóttvarnastofnuninni hafa flest tilfelli greinst í Flórída en þar hafa 187 greinst með afbrigðið síðan síðasta fimmtudag. Næstflestir hafa greinst í Kaliforníu en þar eru tilfellin orðin 145. 

Þegar sóttvarnastofnunin varaði fyrst við nýja afbrigðinu í Bandaríkjunum um miðjan janúar var það til staðar í minna en 0,5% tilfella. Í lok mánaðarins var þessi tala komin upp í 3,6% samkvæmt rannsókninni. 

Afbrigðið, sem uppgötvaðist fyrst í Bretlandi, hefur nú breiðst út til meira en 50 landa. 

• Blogga um frétt