Bandaríkin hafa djúpstæðar áhyggjur af fyrstu viðbrögðum kínverskra stjórnvalda við útbreiðslu faraldurs kórónuveirunnar þar í landi fyrir rúmu ári. Krefja Bandaríkin yfirvöld í Peking um aðgang að upplýsingum frá fyrstu dögum faraldursins.

Frá þessu greinir Jake Sullivan, þjóðaröryggisráðgjafi Bidens forseta, í yfirlýsingu í dag.

Yfirlýsingin kemur nokkrum dögum eftir að rannsóknarhópur Alþjóðaheilbrigðismálastofnunarinnar sneri til baka frá Wuhan í Kína, þar sem faraldurinn átti upptök sín, og benti á að veiran gæti hafa komið frá frosnum sjávarafurðum þar, en ekki frá kínverskri rannsóknarstofu eins og sumir hafa nefnt sem möguleika.

Sullivan tók fram að hann bæri mikla virðingu fyrir stofnuninni – sem Bandaríkin ganga nú aftur til liðs við eftir að ríkisstjórn Donalds Trump sagði sig frá henni til að mótmæla viðbrögðum hennar við faraldrinum – en sagði að það að verja trúverðugleika stofnunarinnar yrði að vera í hæsta forgangi.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt