Verslunarkeðjan Walmart hefur nú sett upp 60 bólusetningarstöðvar í Georgíuríki. Upphaflega voru stöðvarnar staðsettar í tíu verslunum Walmart en þeim hefur nú verið fjölgað. Þetta kemur fram í tilkynningu frá Walmart. 

Alls eru um 14 bólusetningarstöðvar í höfuðborg ríkisins, Atlanta, en auk þess eru þær á öðrum stöðum innan Georgíu. Til þess að geta fengið bóluefni við kórónuveirunni þarf fólk að vera með tilskilin leyfi og falla undir þá flokka sem á að bólusetja. 

Walmart hefur reynt að leggja sitt lóð á vogarskálarnar í baráttunni við kórónuveiruna. Til að mynda hækkaði verslunarkeðjan laun starfsfólks og jók við jólabónusinn á síðasta ári. Vildi fyrirtækið með því létta undir með fólki sem orðið hafði fyrir barðinu á afleiðingum veirunnar. Rekstur matvöruverslana hefur verið stöðugur í gegnum faraldurinn. 

Frétt af mbl.is

Hækka laun og bæta við jólabónus

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt