„Við erum bara rétt að byrja“
Setja bókamerki
Donald Trump, fyrrverandi forseti Bandaríkjanna, hefur lýst yfir sigri eftir niðurstöðu öldungadeildar Bandaríkjaþings þar sem hann var sýknaður af ákæru fulltrúadeildar þingsins til embættismissis. Þetta kemur fram í yfirlýsingu frá Trump.
Er þetta í annað sinn sem Trump er sýknaður af ákæru til embættismissis en hann er fyrsti forsetinn til að ganga í gegnum það. Í yfirlýsingunni þakkar Trump lögfræðiteymi sínu og segir hann það hafa varist kröftuglega með sannleikann að vopni.
Þar segir enn fremur: „Okkar sögulega hreyfing, Gerum Bandaríkin frábær aftur, er bara að byrja. Ég á eftir að deila ýmsu með ykkur á komandi mánuðum og hlakka mjög til að halda áfram vegferð okkar. Saman getum við náð frábærum árangri fyrir fólkið í landinu,“ var haft eftir Trump.
Tvo þriðju hluta öldungadeildarinnar þarf til að sakfella í ákæru til embættismissis. Atkvæði féllu svo að 57 greiddu atkvæði með sakfellingu og 43 með sýknu. Hann var upphaflega ákærður til embættismissis í fulltrúadeildinni fyrir að „hvetja til innrásar“ í þinghúsið í ræðu í Washington 6. janúar.
Milljarðatugir í ríkiskassann
Stórbætt eftirlit með nýjum ratsjám
Ábatinn gæti verið meiri en áhættan
Ekki mormóni þó hugmyndafræðin sé stúderuð
Rúða splundraðist hjá samskiptastjóranum
Smíða úrræði fyrir „hættulega einstaklinga“
Skortur á lóðum og aukin gjaldtaka