Johnson & Johnson sækir um leyfi í Evrópu
Setja bókamerki
Lyfjafyrirtækið Johnson & Johnson hefur sótt um markaðsleyfi fyrir bóluefni við kórónuveirunni hjá Evrópusambandinu.
Búist er við að ákvörðun verði ljós um miðjan mars.
Bóluefnið verður gefið í einni sprautu. Verði það samþykkt verður það fjórða bóluefnið í röðinni sem er samþykkt af ESB eftir grænt ljós frá Lyfjastofnun Evrópu.
Hin þrjú bóluefnin voru þróuð af AstraZeneca, Pfizer/BioNTech og Moderna.
Framkvæmdastjórn ESB hefur pantað 200 milljónir skammta frá Johnson & Johnson með möguleika á 200 milljónum til viðbótar. Framkvæmdastjórnin segir að búið verði að afhenda 100 milljónir skammta í júní ef bóluefnið verður samþykkt.
Johnson & Johnson hefur áður óskað eftir bráðaleyfi fyrir bóluefninu í Bandaríkjunum.
Samningur Íslands við Janssen, sem er dótturfyrirtæki Johnson & Johnson í Evrópu, var undirritaður 22. desember í fyrra og á Ísland að fá bóluefni fyrir 235.000 einstaklinga.
Vonast eftir breiðri þverpólitískri sátt
Allt frá nokkrum tímum upp í viku í nýrri miðstöð
Óeðlilegt að sama gjald verði tekið óháð þyngd
„Mjög bagalegt“ að klára ekki málið
Fresta framkvæmdum við Landspítala
110 milljónir í stöðu prófessors
