Vitni í Mjanmar hafa greint frá því að herinn hafi skotið á mótmælendur þar sem tugir þúsunda héldu út á götu að mótmæla valdaráninu þar í landi í dag. Tveir lágu í valnum, fjöldi særðra liggur ekki fyrir.

The Guardian greinir frá.

Ungur maður og táningsdrengur eru sagðir hafa látist í Mandalay í gær eftir að lögreglan og herinn tóku að skjóta á mótmælendur til að tvístra mannfjöldanum sem saman var kominn.

Þegar hafa Sameinuðu þjóðirnar, Frakkar, Singapúr og Bretar fordæmt notkun skotvopna og Facebook hefur eytt aðalsíðu hersins á miðlinum.

Mandalay er næststærsta borg Mjanmar. Spenna jókst þar þegar herinn og lögregla skiptu sér af verkfalli starfsmanna í skipasmíðastöð.

Mótmælendur tíndu saman skothylki, máli sínu til stuðnings. AFP

Tengdar fréttir

Valdarán í Mjanmar

H&M hættir starfsemi í Mjanmar

• Pólitískir fangar voru 300
• Sjö þúsund fangar náðaðir í tilefni afmælis
• Dæmd í 33 ára fangelsi samanlagt
• Í þriggja ára fangelsi fyrir kosningasvindl

» Fleiri tengdar fréttir

• Blogga um frétt