Sérfræðinganefnd Lyfjastofnunar Evrópu (EMA) fundar á fimmtudag þar sem frekari ákvarðanir vegna bólusetningar með bóluefni AstraZeneca verða ræddar. Sérfræðinganefndin ítrekar að kost­ir bólu­efn­is­ins í bar­átt­unni við Covid-19 séu meiri en mögu­leg áhætta af notk­un þess.

Þetta kemur fram í tilkynningu frá nefndinni eftir að fleiri Evrópulönd, þar á meðal Þýskaland og Frakkland, hættu tímabundið notkun bóluefnisins vegna ótta við blóðtappa af völdum efnisins.

Heil­brigðis­starfsmaður í Nor­egi, sem bólu­sett­ur var með bólu­efni AstraZeneca, lést úr heila­blæðingu í gær. Ekki hef­ur fund­ist or­saka­sam­hengi milli and­láts viðkom­andi og bólu­setn­ing­ar­inn­ar, að því er fram kem­ur í til­kynn­ingu frá norsk­um heil­brigðis­yf­ir­völd­um.

Frétt af mbl.is

Norskur heilbrigðisstarfsmaður látinn

„Sérfræðinganefndin lítur þannig á málin að kostir bóluefnis AstraZeneca til að koma í veg fyrir kórónuveirusmit, með hættu á spítalavist og andláti, séu meiri en mögulegar aukaverkanir,“ segir í tilkynningu frá EMA.

Emmanuel Macron Frakklandsforseti sagði fyrr í dag að Frakkar ætluðu að bíða með notkun bóluefnisins þar til betur hefði verið farið yfir málið.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt