Lyfja­stofn­un Evr­ópu hef­ur úr­sk­urðað að bólu­efni AstraZeneca vegna Covid-19 sé ör­uggt og veiti mikla vernd gegn Covid-19. Þá seg­ir stofn­un­in að ávinn­ing­ur­inn af bólu­efni AstraZeneca sé meiri en hugs­an­leg áhætta. 

Þetta kom fram í máli Emer Cooke, for­stjóri Lyfja­stofn­un­ar Evr­ópu, á blaðamanna­fundi sem nú stend­ur yfir. 

Bólu­efnið er ekki tengt auk­inni hættu á sega­reki eða blóðtöpp­um, að sögn Cooke. Hún tók þó fram að miðað við fyr­ir­liggj­andi gögn gæti stofn­un­in ekki úti­lokað tengsl á milli blóðtappa og bólu­efn­is­ins. 

Cooke benti á að yfir 2.500 manns hafi týnt lífi vegna Covid-19 á ein­um degi í síðustu viku ein­göngu og þar af leiðandi hafi rann­sókn stofn­un­ar­inn­ar á bólu­efni AstraZeneca hafi verið sett í hæsta for­gang. 

Cooke sagði að Lyfja­stofn­un Evr­ópu muni rann­saka bólu­efnið áfram. Þá kallaði hún eft­ir því að ef fólk fyndi fyr­ir mögu­leg­um auka­verk­un­um greindi það frá því. Hún ít­rekaði að lok­um þá af­stöðu stofn­un­ar­inn­ar að bólu­efnið væri góður val­kost­ur til þess að vernda borg­ara heims­ins gegn Covid-19. 

Frétt­in hef­ur verið upp­færð

Tengd­ar frétt­ir

Bólu­setn­ing­ar við Covid-19

Al­menn­ing­ur fékk ekki næg­an aðgang að samn­ing­um

• „Það þarf að vinna mik­inn fjölda upp“
• WHO: Bólu­efni bjargað 1,4 millj­ón­um manns­lífa
• Bæt­ur ef tjón verður af völd­um bólu­setn­ing­ar
• „Flest­ar þess­ara aðgerða stand­ast skoðun“

» Fleiri tengd­ar frétt­ir

• Blogga um frétt