Fagnar árangri í Súez-skurðinum

Abdel Fattah al-Sisi, forseti Egyptalands, fagnar árangri í aðgerðum til að losa flutningaskipið Ever Given í Súez-skurðinum, en þar hefur skipið legið þvert í nærri viku.

„Í dag hafa Egyptar náð að binda endi á krísu strandaða skipsins, þrátt fyrir feikimiklar flækjur á ferlinu,“ skrifar forsetinn á Twitter.

Yfirlýsingin kemur í kjölfar þess að yfirvöld í Súez-skurðinum sögðu skipið hafa verið fært 80% í rétta átt. Vinna við losun skipsins á að halda áfram í dag.

Frétt af mbl.is

Flutningaskipið að losna

Dráttarbátar komu til aðstoðar í dag. AFP

• 1 blogg um fréttina

Bloggað um fréttina

• Þorsteinn H. Gunnarsson: Að vaxa út úr umhverfi sínu (Umhverfispunktur)