Stökk á ökumann í gegnum bílglugga

Karlmaður hefur verið handtekinn í Albaníu eftir að hafa ekið á gangandi vegfarendur á torgi í höfuðborginni Tirana.

Bíllinn stöðvaðist ekki fyrr en einn vegfarandi stökk með fæturna á undan sér í gegnum bílgluggann, að því er BBC greindi frá.

Beið í biðröð eftir bólusetningu

Vegfarandinn sagðist hafa haldið að ökumaðurinn ætlaði sér að aka á fólk í mögulegri hryðjuverkaárás. Fjöldi fólks beið í biðröð eftir því að fá bólusetningu við kórónuveirunni á Skanderbeg-torgi á sama tíma.

Albanska lögreglan telur að ökumaðurinn, sem er 32 ára, hafi verið undir áhrifum fíkniefna.

• Blogga um frétt