Fullbólusettir bandarískir ferðamenn fá að koma til ríkja Evrópusambandsins í sumar. Þetta kemur fram í viðtali við forseta framkvæmdastjórnar ESB, Ursulu von der Leyen, í New York Times í gær.

Lokað hefur verið fyrir ferðalög Bandaríkjamanna til ríkja ESB í meira en eitt ár vegna kórónuveirufaraldursins. Ursula von der Leyen segir ástæðuna fyrir breytingunum þá að vel hefur gengið að bólusetja í Bandaríkjunum. Unnið er að gerð samkomulags milli Bandaríkjanna og ESB um gerð bólusetningarvottorðs. 

Hún segir að þar sem bólusett er í Bandaríkjunum með bóluefnum sem hafa verið samþykkt af Lyfjastofnun Evrópu geri ferlið auðveldara, það er að heimila frjálsa för og ferðalög Bandaríkjamanna til ríkja ESB.

Von der Leyen segir að öll 27 aðildarríki ESB muni samþykkja skilyrðislaust alla þá sem eru bólusettir með bóluefnin sem samþykkt eru af Lyfjastofnun Evrópu. Þau bóluefni sem notuð eru í Bandaríkjunum eru Moderna, Pfizer-BioNTech og Johnson & Johnson (Janssen).

Ekki kemur fram í viðtalinu nákvæm dagsetning á því hvenær breytingin tekur gildi.

Sjá nánar hér

Tengdar fréttir

Kórónuveiran Covid-19

Ekkert um alvarleg veikindi

• Skyldasti ættingi SARS „var í þeirra eigin ísskáp“
• Almenningur fékk ekki nægan aðgang að samningum
• Við höfum „runnið til baka niður brekkuna“
• Grípa til aðgerða: Covid-19 breiðist hratt út

» Fleiri tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt