Mikil reiði hefur gripið um sig meðal tugþúsunda Indverja eftir að stjórnvöld þar í landi skipuðu samfélagsmiðlinum Twitter að fela allar færslur fólks sem gagnrýnir viðbragð stjórnvalda við síversnandi kórónuveirufaraldri þar í landi. BBC greinir frá.

Frétt af mbl.is

Deyja úr Covid á tröppum sjúkrahúsa

Talsmaður Twitter hefur staðfest að miðillinn hafi fjarlægt færslur fólks vegna þessa. Nýgengi smita í landinu hefur farið ört vaxandi á undanförnum vikum og sjúkrahús landsins horfa fram á súrefnisskort, með tilheyrandi alvarlegum afleiðingum fyrir Covid-sjúklinga.

Í gær greindust 352.991 kórónuveirusmit á Indlandi og 2.812 manns létust vegna veirunnar. Það er hæsta dagshlutfall frá upphafi faraldursins í nokkru landi.

Spjótin beinast að Modi

Twitter tilkynnti á vefsíðu gagnagrunnsins Lumen, sem skrásetur tilraunir ríkja til þess að ritskoða net- og samfélagasmiðla, að indversk stjórnvöld hefðu gripið til þess neyðarúrræðis að skipa Twitter að fjarlægja færslur um viðspyrnu þeirra gegn faraldrinum.

Ekki kom fram í tilkynningu frá netrisanum hvers kyns efni og hvers kyns færslur hefðu verið fjarlægðar af netþjónum þeirra. Fjölmiðlar á Indlandi greina frá því að tíst stjórnmálamanns í Vestur-Bengal-héraði hafi verið fjarlægt, þar sem hann sagði Narendra Modi, forsætisráðherra Indlands, vera ábyrgan fyrir dauðsföllum af völdum veirunnar.

Þá er greint frá því að tíst vel þekkts leikara á Indlandi hafi verið fjarlægt, þar sem hann sakaði Modi um að hafa haldið fjölmenna kosningafundi á meðan veiran geisaði sem aldrei fyrr í landinu.

Narendra Modi, forsætisráðherra Indlands. AFP

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt